سؤیوش،کؤتک یوخسولون
یاوان چؤرَک یوخسولون
وطن وارلیلارین دیر
وطن سئومک یوخسولون
Söyüş,kötək yoxsulun 
Yavan çörək yoxsulun 
Vətən varlıklarının
Vətən sevmək yoxsulun 

کیم دئییب تالان اولماز
باهاری خزان اولماز ؟
ایران هئچ واخت دؤزلمَز
آجی سؤز یالان اولماز
Kim deiyb talan olmaz
Bahari xəzan olmaz?
Iran heç vaxt düzəlməz 
Aci söz yalan olmaz 

عقل بیر عارضه دیر
بو یالان دونیادا
عشق بیر معجزه دیر
Ağil bir arizə dir
Bu yalan dünyada
Eşq bir möcüzə dir

ادب سیز خَطرلی دیر
یامان،دَرد سرلی دیر
سایغی،دوشونجَه،ادب
قیزیل دَن دَیَرلی دیر

Ədəbsiz xətərli dir
Yaman,dərdesərli dir
Sayğı,düşüncə,ədəb
Qizildən dəyərli dir

آی اوشاغلار تورکون دیلی گؤزل دیر
من دئمیرَم،گؤزللییی مثل دیر

مغز: بئیین دیر،گلو : بوغاز،رگ : دامار
تابستان: یای دیر و پاییز : سون باهار

پوست : دری دیر،شش: آغ جییَر،کام : داماق
دنده : قابیرقادیر و نرم : یوموشاق

برگ : یارپاق دیر،اؤزو قیرمیزی : پررو
ابر : بولود دور،نان : چؤرک دیر و آب : سو

بِه : حئیوا دیر،انگور : اوزوم، انار: نار
سیب : آلما دیر ،گردو : قوز دور، رگ : دامار

فلفل : بیبَر،باساباس : ازدحام دیر
بخش بولوم دور، سر : باش،انسان : آدام دیر

باید : گَرَک ، ببخشید : باغیشلایین
پدرزن : قایین آتا،محترم: سایین

بدبخت : قاراگون دور،بدبین : اومودسوز
برنده : آپاران دیر و نمک : دوز 

بسترِ رود : چایلاق دیر، بستر : یاتاق
بستنی : دوندورما دور،کودک : اوشاق

سَن سیز گول- چیچَک سولار
گؤزلریم یاشلا دولار
قلبین مَنده اولاندا
اَللرین کیمدَه اولار ؟
Sənsiz gül-çiçək solar
Gözlərim yaşla dolar
Gəlbin məndə olanda
Əllərin kimdə olar ?

بلکه آت-ائششک اولار
بلکه گؤل_چیچک اولار
آدام اؤلُندَن سورا
کول اولار،تزک اولار
Bəlkə at-eşşək olar
Bəlkə gül-çiçək olar
Adam öləndən sora 
Kül olar,təzək olar 

شکر،بال اولا بیلمز
قورد،قارتال اولا بیلمَز
اَلی،جیبی بوش اولان
آغ ساققال اولا بیلمَز
Şəkər,bal olabilmez
Qurd,qartal olabilməz
Əli,cibi boş olan
Ağsaqqal olabilməz

اویان،درک ائله،یاتما
اؤزون بوش،مُفتَه ساتما
بیر شمع،بیر چراغ یاندیر
قارانلیغا داش آتما

آتشی آلیشدیرار
ساواشی قیزیشدیرار
کیتاب قاریشدیرمایان
اورتانی قاریشدیرار
Atəşi alişdirar
Savaşı qizişdirar
Kitab qarişdirmayan
Ortani qaristirar